Wednesday, July 2, 2008

Abhi na jaaiye

Mausam ka ishaara hai abhi na jaaiye

Tod ke yun dil humara, na jaaiye !



Bahaar ke rang ghule hain fizaaon mein

Bahaar ke aanchal se uoth kar na jaaiye !



Zamane ki gardishen ruk to nahin jayengi

Duniya ki khatir humko chorh ke na jaaiye !



Jaane se aapke rooth ke baithe hain hum

Ab humko manane ki khatir hi na jaaiye !



Aankhon ki chamak humse chupate hain aap kyun

Aarzooun ne li hain angdaaiyan, abhi na jaaiye !

No comments: